Në këtë takim përpos bashkëkryesuesve të ekipit negociator, Fatmir Limaj e Shpend Ahmeti, po marrin pjesë edhe zëvendëskryeministri Enver Hoxhaj, Blerim Shala këshilltari i presidentit Hashim Thaçi, Dukagjin Gorani nga PSD, Avni Arifi shefi i kabinetit të kryeministrit, si dhe ministri i Administratës Publike, Mahir Yagcilar.

Më herët, pas takimit me krerët e shtetit, Shpend Ahmeti deklaroi se takimi i rregullt i ekipit negociator ka të bëjë lidhur me shqyrtimin edhe një herë të versionit të platformës për dialog, ku do të shohin se a janë të gjithë të pajtimit me këtë.

Ai ka bërë të ditur se në platformë nuk përfshihet çështja e ndryshimit të kufijve.