Donjeta Sadiku ftohet në Lojërat Evropiane Minsk 2019

Spread the love

Donjeta Sadiku ftohet në Lojërat Evropiane Minsk 2019

Donjeta Sadiku ftohet në Lojërat Evropiane Minsk 2019

Boksieres Donjeta Sadiku i është rezervuar një vend për pjesëmarrje në Lojërat e dyta Evropiane Minsk 2019, që mbahen prej 21-30 qershor në Minsk të Bjellorusisë.

Organizatori i ka konfirmuar Komitetit Olimpik të Kosovës (KOK) pjesëmarrjen me ftesë boksieres tonë, e cila do të garojë në kategorinë deri në 60 kilogramë, njofton KOK-u.

Sadiku ishte bërë nënkampione e botës për juniorë në vitin 2015 në Taipei të Tajlandës, ndërsa një vit më pas fitoi medaljen e artë në Kampionatin Evropian në Ordu të Turqisë, kategoria -57 kilogramë.

Në dy vitet e fundit, Donjeta ishte e pafat pasi iu mohua pjesëmarrja në Kampionatin Botëror për juniorë në vitin 2017 dhe vitin e kaluar në botërorin e seniorëve.

Të dy kampionatet u mbajtën në New Delhi të Indisë, shtet ky që ekipin e Kosovës nuk e pajisi me viza, shkaku i mosnjohjes së Republikës së Kosovës.

Krahas shpresës tonë Olimpike, me normë Kosovën në Minsk pritet ta përfaqësojë edhe një ekip i gjerë i xhudos, derisa pritet të marrin pjesë edhe garues të sporteve tjera.

Kujtojmë që Kosova është paraqitur edhe në Lojërat Evropiane Baku 2015, në të cilat debutoi me medaljen e bronztë të fituar nga xhudistja, Nora Gjakova.

Be the first to comment

Leave a Reply

Your email address will not be published.


*