Klubet si Feronikeli, Trepça’89, Ballkani dhe Kika kanë kaluar tutje në çerekfinale, pas fitoreve në ndeshjet e 1/8-tës, duke iu bashkuar kështu Prishtinës, Ferizajt, Vëllaznimit dhe Dritës që siguruar dje kalimin tutje.
Fitore bindëse ka realizuar edhe Ballkani që e ka mposhtur Gjilanin në shtëpi, me shifrat 3:0, ku golat erdhën në pjesën e parë.
Foto: KF Ballkani/Facebook
Trepça’89 arriti ta thyejë rezistencën e Flamurtarit vetëm pas vazhdimeve, ngase ndeshja në kohën e rregullt u mbyll baras 0:0, edhe pse Flamurtari nga minuta e 60-të luajti me një lojtar më pak pas përjashtimit të Andi Shalës.
Në vazhdime klubi mitrovicas u tregua bindës, duke shënuar tre gola dhe duke siguruar kalimin tutje në çerekfinale.
Trepça ’89 kalon në çerekfinale të Kupës pas fitores në vazhdime ndaj FlamurtaritNë ndeshjen e fundit, Kika ka kaluar tutje pas penalltive, duke e mposhtur Istogun me rezultat 3:1, pasi koha e rregullt dhe vazhdimet u mbyllën baras 2:2.
Tërheqja e shortit për çerekfinale të Digitalb Kupës së Kosovës do të bëhet të martën, më 11 dhjetor, në orën 13:00, në selinë e FFK-së.
Rezultatet komplete të 1/8 së finales në Kupën e Kosovës:
Liria – Prishtina 0:4
Fushë Kosova – Ferizaj 1:2
Drita – Minatori 5:3
Besa – Vëllaznimi 0:0 – 2:3 (penallti)
Ballkani – Gjilani 3:0
Dukagjini – Feronikeli 0:4
Trepça’89 – Flamurtari 0:0 – 3:0 (vazhdime)
Kika – Istogu 2:2 – 3:1 (penallti)
Leave a Reply