Miliarderi më i vjetër në botë, Chang Jung-Chung nga Singapori, i ka 100 vjet, por ky fakt për asnjë moment nuk e ndalë atë që çdo ditë të shkojë në punë, pasi siç thotë ai qëndrimi në shtëpi nuk është një opsion për të pasi mërzitet shumë.

Edhe pse postin e drejtorit ekzekutiv ia dorëzoi të birit Teu Siong Seng në fillim të këtij viti, Chang ka deklaruar për CNBC se shkuarja në punë është një shprehi që kurrë nuk do të mund ta harrojë.

“Çdo ditë në ditarin tim i shkruaj aktivitetet ditore”, ka deklaruar Chang, duke shtuar se drejtorët e të gjitha departamenteve të kompanisë e vizitojnë çdo ditë. Për të, kjo është mënyra më e mirë për të qenë aktiv dhe të ruajë kontaktet me kompaninë që e themeloi në vitin 1967, transmeton “Ina”.

“Nuk mund të qëndroj i mbyllur në shtëpi”, ka deklaruar miliarderi më i vjetër në botë, duke shtuar se do të mërzitej shumë po ta bënte një gjë të tillë. Gjatë rutinës ditore, Chang e këshillon të birin se si duhet menaxhuar stresin dhe nervozën në situata ku ka presion të madh