Një burrë e tri gra arrestohen në Prishtinë për veprimtari të jashtëligjshme në “sallon masazhi”

Spread the love

Policia e Kosovës arreston katër të dyshuar për përfshirje në disa vepra penale.

Pas hetimeve të zhvilluara nga Sektori i Hetimeve të Trafikimit me Njerëz-Drejtoria për Hetimin e Trafikimit me Njerëz e PK-së, të udhëhequra nga Prokuroria Themelore-Departamenti i Krimeve të Rënda Prishtinë, duke përdorur masa të fshehta të hetimit, më 30.11.2018, ka realizuar një plan taktik.

Gjatë realizimit të planit, në një ‘Sallon masazhi’ në Prishtinë, ka identifikuar dhe arrestuar katër persona të dyshuar.

Personat e dyshuar të cilët janë arrestuar nën dyshim përfshirje në veprat penale: ‘Ofrimi i lokaleve për prostitucion’, ‘Keqpërdorimi i pozitës apo autoritetit zyrtar’, ‘Ushtrim i ndikimi’, ‘Mbajtja në pronësi kontroll apo posedim i armës’ dhe ‘Bashkëkryerja’, janë: M.D. viti i lindjes 1986, m/k/sh, L.D. viti i lindjes 1982, f/k/sh, A.B. viti i lindjes 1989, f/k/sh dhe L.L. viti i lindjes 1977, f/k/sh.

Personi i dyshuar (L.L.) zyrtare në ATK, dyshohet se në vazhdimësi duke keqpërdorur autoritetin zyrtar, me qellim të përfitimit ka ndihmuar të dyshuarit tjerë në kryerjen e veprave penale dhe po ashtu dyshohet se ka kryer edhe veprën ‘Ushtrim i ndikimit’.

Policia si prova materiale ka konfiskuar: 1 arme zjarri me një karikator dhe dy fishekë të njëjtës armë; 6 (gjashtë) telefona mobil; para në vlere 820 euro dhe 20 franga (tetëqind e njëzet euro dhe njëzet franga) dhe dokumente të ndryshme.

Të dyshuarit/at me aktvendim të prokurorit dërgohen në mbajtje për 48 orë.

Be the first to comment

Leave a Reply

Your email address will not be published.


*