Një tërmet i fuqishëm me magnitudë 5.3 ballë të shkallës rihter goditi mbrëmjen e djeshme Greqinë, lëkundjet e së cilit u ndjenë edhe në disa qytete të Kosovës e Shqipërisë.
Sipas mediave greke, epiqendra e tërmetit ka qenë në Follorinë, ndërsa thellësia fokale e saj ishte 14.1 km. Banorët janë tronditur së tepërmi nga lëkundjet e forta, që sipas tyre zgjatën për sekonda të tëra.
Ata e kanë kaluar natën nëpër vetura dhe në ambientet e jashtme, duke braktisur kështu nga frika shtëpitë e banesat e tyre.
Mediat greke kanë publikuar edhe momentet teksa lëkundjet nisin të ndihen, ndërsa janë dokumentuar edhe dëmet. Në foto shihen vetura të dëmtuara dhe mure të rrënuara.
Leave a Reply