Vitia me dy viktima nga Covid-19, aktualisht 38 raste aktive

Spread the love
LDK e Gjilanit: Votoni masivisht edhe n’raftë shi!

Deri tash, dy persona të moshave 82 vjet dhe 72, nga komuna e Vitisë, ditë më parë, kanë humbur jetën si pasojë e koronavirusit që kur ka filluar pandemia në vend, raporton Plus Televizion.
Të njëjtit përveç infeksionit Covid-19, kishin edhe sëmundje të tjera shoqëruese, sipas njoftimit nga Qendra Klinike Universitare e Kosovës.

Në Viti aktualisht, janë 38 raste aktive derisa në izolim janë 45 persona.

Drejtoresha e Shëndetësisë në Viti, Hanife Jonuzi, ka thënë se të hospitalizuar në Klinikën Infektive janë 7 pacientë nga Vitia, gjendja shëndetësore e të cilëve është stabile.

Ajo ka thënë se numri i të infektuarve, mund të rritet pasi qytetatër nuk po respektojnë sa duhet masat mbrojtëse dhe ka kërkuar më shumë testime të personave si raste kontakti nga kjo komunë.

Ndryshe, që prej marsit, e deri tash nga Vitia janë testuar gjithsej 369 raste, ku pozitivë me infeksion kanë rezultuar 124 persona.

Sipas Institutit të Shëndetësisë Publike, në rajonin e Anamoravës, deri më sot janë mbi 100 raste aktive me koronavirus./PlusTV/

Be the first to comment

Leave a Reply

Your email address will not be published.


*